ՌԱՄԱ կիրառման բիզնես օրինակ՝ «Կանաչ դար» ջերմոց Չարենցավանում
«Կանաչ դար» Չարենցավանի ջերմոցը մասնագիտացած է մրգերի և բանջարեղենի, մասնավորապես՝ լոլիկի, պղպեղի, սմբուկի և ելակի աճեցման մեջ: Էկոլոգիապես մաքուր և չաղտոտող մթերքներ արտադրելու նպատակով՝ ջերմոցը գործում է շրջանաձև տնտեսության սկզբունքներով: Նրա էկոհամակարգում աճեցվում են նաև ձկները, որոնց կենսաակտիվ թափոնները ծառայում են որպես բնական պարարտանյութ բույսերի աճի համար: Արտադրության էներգաարդյունավետությունը բարձրացնելու նպատակով՝ ընկերությունը մասնակցել է «Կանաչ տնտեսություն Արևելյան գործընկերության տարածաշրջանում» EU4Environment (2019-2024) շրջանակներում իրականացվող ՌԱՄԱ ցուցադրական ծրագրին։
